أوراق .. الفكرة مبتقفش !
مشروع أوراق ، شركة ناشئة مصرية ، أسسها أحمد جمال ، أحمد و فريق عمل أوراق عمرهم يتراوح بين 17 و 20 سنة ، يعنى لسه طلبه و قدروا يخلقوا لنفسهم الفرصه فى أوراق .
فكرة مشروع أوراق كانت بالنسبة لأحمد فكرة جديدة بعد ما حاول يعمل مشروع و فشل ، فشله كان نقطة التحول و إنه يتعلم من الأخطاء اللى وقع فيها و يطورها و يساعد بيها غيره .
ايه هى فكرة أوراق !!
اوراق عباره عن 50 كارت متقسمين على 6 مراحل مختلفة ، هدف أوراق انها تساعدك فى تطورير شركتك الناشئة أو مشروعك فى حالة ان فى مشروع قائم أو بتساعدك فى تحويل أفكارك اللى على الورق لأرض الواقع .
فكرة استخدام الكروت هتساعد فريق العمل انه يشتغل مع بعض ، كل كارت فيه اسئلة مطلوب منك و من فريق العمل انه يجاوبها و يتناقش فى النقط دى و بوضوح .
هتستفاد ايه من أوراق !!
بعد ما ينتهى فريق العمل من المراحل و اسئلتها هتبقى جهزت
- النظرة العامة عن مشروعك و هدفه
- دراسة الجدوى الخاصة بالمشروع
- دراسة السوق
- خطة تطوير المنتج و تجربة العميل
- استراتيجية فريق العمل و توزيع المهاه
- خطة التسويق
- الخطة المالية لمشروعك و المصروفات و الربح المتوقع
ريادة الأعمال و العمل على المشاريع الناشئة ملهاش سن معين ، المهم فى الفكرة و مدى إحتياج السوق ليها .
فكرة أوراق بتلخص مهام كتير بيحتاجها رائد الأعمال و صاحب المشروع ، لأنها بتساعده بطريقة مبدعة معتمدة على العصف الذهنى إنه يطلع أفضل ما عنده .
إعرف أكتر عن أوراق من خلال موقعهم الرسمى و صفحتهم على الفيس بوك
لو بتفكر يكون عندك شركة ناشئة لازم تعرف الأول إنت قادر فعلاً على البداية أو لا من خلال المقال ده
ها جهزت فكرتك 🙂