الربح من الإنترنت يمكن الجملة الأكثر بحثاً فى الفترة اللى فاتت ودة بسبب تدهور الأحوال الإقتصادية للدول العربية وارتفاع نسبة البطالة.
من المؤكد إن الشباب هيكون عنده الرغبه فى العمل ولكن مع ضعف نسبة وجود فرصة عمل بعد التخرج دفعت شباب كتير إنهم يبحثوا فى المكان اللى يعتبر الوحيد أقل تكلفة فى الحياه وهو الانترنت.
وفيه شوية اسئلة هنكون محتاجين نجاوب عليها خلال موضعنا النهاردة وهى دى اللى هتكون طريقك فى إنك تعرف يعنى اية الربح من الإنترنت :
أولا: هل فعلاً فيه ناس بتكسب من الإنترنت؟
الإجابة على سؤالك هوفرهالك من خلال الصورة اللى جاية واللى هشرحلك محتواها بعدها شوف الصورة الأول واحسب الأرقام اللى قدامك بالدولار الأمريكى
ايوة دة من أضعف الأمثلة الحيه لشخص بيحقق فى المتوسط 25 ـ 30 دولار يومياً يعنى بالجنية المصرى وبسعر البنك المركزى النهاردة حوالى 225 – 270 جنية يومياً يمعدل 6750 – 8100 جنية شهرياً.
أعتقد دة أفضل إثبات واقعى ان الربح من الانترنت شئ حقيقى له وجود وفيه ناس كتير بتعتمد عليه وعلى فكرة فيه أصحاب مشاريع كبيرة جدا على الانترنت كانت هى دى بدايتهم.
ثانياً: ازاى بيكسب؟ أو منين؟ وليه مش كل الناس تعرفها وشغاله بيها؟
أما ازاى بيكسب فالموضوع ببساطة لو عايز تعمل ربح من الانترنت بتعمل موقع إلكترونى أو قناة على اليوتيوب وتعتمد على إن الموقع أو القناه عليها زوار كتير وتدخل على الموقع أو القناة إعلانات ، والشركات صاحبة الاعلانات بتدفعلك فلوس مقابل زيارات الناس على الإعلانات دى.
أما ليه مش كل الناس تعرفها وشغاله بيها .. هو انت عمرك دخلت مدينه مثلا لاقيت كل سكانها دكاترة أو كلهم مهندسين؟ أو كلهم بيفهموا فى نفس الشغلانة ومابيعملوش غيرها؟
ثالثاً: انت بتتكلم عن حاجة موجودة على النت، الناس دى بتقبض ازاى ومن مين؟
بالنسبة لسؤال ازاى تقبض فانت عندك أكتر من وسيلة أولهم طبعا لو عندك حساب فى البنك بيتحول عليه الرصيد بتاعك وأسهلهم طبعا ان الشركات دى بتبعتلك شيك على عنوانك وبيكون واضح فيه تقدر تصرفه من أقرب بنك ليك ازاى أو بتبعتلك حواله على بنك ويسترن يونيون المعروف وفيه غير الطرق دى كتير.
أما من مين؟ فيه شركات كتير بتديلك القدرة انك تاخد منها أكواد برمجية بتحطها على الموقع عشان يتعرض على موقعك الإعلانات ومنهم ويمكن أكبرهم وأضخمهم شركة google من خلال برنامج google adsense وفيه شركات تانية زى propellerads وغيرهم كتير.
رابعاُ: اية مقدار المخاطرة فى النوع دة من الأعمال؟
المخاطرة كلها بتتمثل فى إنك تعمل شئ مضاد للقوانين المنظمة لطريقة العمل زى إنك تخترق شروط وسياسات google لو هتعتمد على google adsense
خامساً: هل نوعية الربح دى حلال؟ وهل الإعلانات دى أقدر أتحكم فيه؟
بالنسبة للتحريم فالنوعية دى حلال لأنها عبارة عن تسويق شئ لأصحابه مقابل سعر معين، أما الخوف من نوعية الإعلانات فالشركات دى وخصوصاً google adsense بتمنع كافة المعلنين إنهم يعملوا إعلانات عن الخمور أو المواد الإباحية أو اى شئ منافى للآداب.
وفوق دة كله الشركات دى كلها بتديلك تحكم فى إنك تقدر تمنع إعلانات معلن معين إنها تظهر عندك، أو إنك تمنع فئة معينه من الإعلانات زى الإعلانات الدينية أو الرياضية أو السياسية وغيرها.
سادساً: ازاى ابدأ؟ وفين الطريق؟
هننزل ليكم إن شاء الله فى تدوينات جايه الطرق والأساليب فى زيادة الربح إنما إزاى تبدأ فالخطوة الأولى إنك تنش المشروع بتاعك الأول.
سابعاً: ايه الخطوات فى إنشاء مشروع ربحى؟
- اختيار شريحة الزوار أو الإهتمامات اللى تقدر تعمل لها موقع إلكترونى ويكون ليها زيارات كتير من محركات البحث وبيظهر لها إعلانات
- عشان تقدر تحدد عدد الزيارات لكلمة معينه اضغط هنا واكتب الكلمة اللى انت عايزها وهيطلعلك معدل البحث الشهرى
- اضغط هنا واكتب اسم الموقع اللى هتعمله ولازم يكون سهل الناس تحفظه وفى نفس الوقت الموقع يقولك انه متاح للحجز
- تقدر تختار من الباقات المحددة لإنشاء المنتديات والمواقع الربحية من تكنو مصر
- تابعنا على صفحتنا على الفيس بوك تكنو مصر – TechnoMasr
- تابع قسم الربح من الإنترنت على مدونة تكنو مصر كل أسبوع