×

تكنو مصر للبرمجيات

يعنى ايه Brand Awareness

يعنى ايه Brand Awareness

يعنى ايه brand awareness

أى صاحب عمل سواء شركة كبيرة أو شركة ناشئة نفسه شركته تكبر و تبقى براند ، و ده موضوعنا إنهارده يعنى ايه brand awareness .

البراند بيعتمد على المنتج أو الخدمة اللى بتقدمها و طريقة تقديمها و مدى جودتها و تفاعل الناس معاها ، خلال مثال بسيط هتقدر تعرف يعنى ايه براند و ليه تسعى إنك تحققه .

نفترض ان فى 2 مصورين ( فوتوجرافر ) و  مقر الاستوديو للإتنين فى القاهرة فى مدينة نصر مثلا

 فوتوجرافر (X) و فوتوجرافر (Y)

الحالة الأولى فوتوجرافر (X)

فوتوجرافر (X)  محترف جداً فى التصوير و بيعتمد فى تسويقه للمنطقة اللى هو فيها ( مدينة نصر ) بيعتمد على الناس اللى حواليه أو على تسويق الـ WOM كلام الناس أو العملاء اللى جربوه و عاجبهم الشغل و رشحوه لغيرهم .

بالتالى أنا فى المنصورة و أنت ممكن تكون فى القاهرة فى المعادى مثلاً و متعرفوش ! بكده (X)  مقدرش يحقق براند او يخلى الناس تعرفه و مكتفى بأنه عمل بيزنس ناجح مش براند ناجح .

الحالة الثانية فوتوجرافر (Y)

فوتوجرافر (Y)  محترف جداً فى التصوير و بيعتمد فى تسويقه على أكتر من طريقة و ركز على التسويق الرقمى

  • موقع إلكترونى لعرض العمل .
  • صفحات مختلفة على مواقع التواصل الإجتماعى ( فيس بوك ، إنستجرام …إلخ )
  • بالإضافة لـتسويق أرضى بحضور مؤتمرات و حفلات للتصوير و ممكن يصور مجاناً علشان الناس بس تعرفه .

بالتالى

  • من خلال الموقع الإلكترونى قدر (Y) يوصل لشريحة عملاء أكبر و معجبين بشغله أكتر .
  • من خلال صفحات التواصل الإجتماعى قدر يعرف توجهات الناس أكتر لإيه و ينفذها علشان الإعجاب بشغله يستمر .
  • إسمه بقى معروف فى مصر و بينزل شغل Outdoor برا الإستوديو .

 

فوتوجرافر (Y)  قدر يوصل بإسمه لبراند كبير و مثال على كده ناس كتير برا مصر و جوا مصر ، ممكن حد تانى يكون جودة الخدمة أو المنتج اللى بيقدمه أفضل لكن مش معنى إنك عندك أحسن منتج إنك تقدر توسع مبيعاتك لو الناس متعرفش حاجه عنك .

 

تحب تكون (X)  و لا (Y)  !!؟

 


التعليقات

اترك تعليقك

لن يتم نشر عنوان بريدك الإلكتروني.