• info@technomasr.com
  • 01097225751 - 0502265598

تكنو مصر للبرمجيات

تقدر تبدأ بتأسيس شركة ناشئة

تقدر تبدأ بتأسيس شركة ناشئة

تقدر تبدأ بتأسيس شركة ناشئة

كتير من الشباب ممكن يقوم من النوم عنده حماس انه يؤسس شركة ، بس هل فعلاً يقدر يبدأ فى تأسيس شركة ناشئة لمجرد إن عنده شغف !!!

هنا هنقف عند النقطة اللى هتخليك تجاوب إما بــ نعـــم أقدر  أو لا

 لو بتفكر بتأسيس شركة ناشئة جهز ورقة و قلم ، لأن من خلال المقال هتبدأ بتحليل مهاراتك و إختبارها ، و هتعرف ايه اللى محتاج لتقويه .

المشروع أو الشركة الناشئة عبارة عن فكــرة

الفــكرة

  • عندك فكرة المشروع !؟
  • مقتنع بالفكرة و درستها كويس ؟!
  • فكرة جديدة و لا موجودة و هتقلد و لا موجودة و هتطورها !!
  • أخدت رأى حد فيها !! سمعت تعليقاته و عدلت على الفكرة
  • دورت كويس الفكرة دى موجودة أو لا  ( توارد الأفكار كتير ) .

 لو بعد الاسئلة عن الفكرة لسه مقتنع بيها يبقى عديت جزء كبير

 

صاحب الفكرة ( مدير المشروع )

  • درست إدارة مشروعات أو قرأت عنها !
  • تعرف تعمل دراسة جدوى للمشروع !
  • عندك القدرة على حل المشاكل !
  • كنت قائد فريق عمل او مدير قبل كده !
  • تعرف تعمل  ( خطة ، إستراتيجية و غيرها من المهارات الإداريه )
  • بتقدر تحدد أهداف المشروع و طرق الوصول ليها و تنفيذها !
  • بتتقبل النقد !
  • بتتقبل الفشل و تقدر تتعامل معاه !

 

التمويل

  • عارف مشروعك هيكلف كام !
  • عندك رصيد يغطى التكلفة و لا هتمول المشروع !
  • ايه المصادر اللى هتمول منها ، و ايه خطة إقناع الممولين !

الإجراءات القانونية

  • المشروع محتاج لترخيص !!
  • عارف ايه شروط الترخيص !
  • عارف الفرق بين انواع الشركات و مشروعك يندرج تحت أى نوع !
  • عارف الهيئات الحكومية اللى لازم تتعامل معاها علشان الترخيص ( البنوك ، الشهر العقارى ، التأمينات ، الضرائب..)

فريق العمل

  • مين هيشتغل معاك !
  • دورك ايه فى المشروع !
  • أعضاء الفريق متطوعين أم عاملين برواتب !
  • رواتب ثابته أو عموله !
  • حددت مهارات أعضاء فريق العمل اللى محتاجها المشروع !
  • عدد أعضاء فريق العمل !

التجهيزات

  • هتستأجر مكان \ هتشتغل فى مساحة عمل مشتركة \ المشروع أونلاين .
  • محتاج معدات ( مكاتب ، كراسى ، اجهزة كمبيوتر …. إلخ ) !
  • تكلفة المعدات ضمن دراسة الجدوى و الدراسة المالية !
  • هتشترى المعدات و الأجهزه \ إمكانية تأجيرها !

السوق المستهدف

  • هتبيع لمين !
  • ليه هيسيب اللى بيشترى منه و هيشترى منك ( هتقدم ايه جديد ) !
  • هتوصلهم إزاى !

 

بعد إجاباتك على الأسئلة تقدر تعرف إنت محتاج تقويه فى ايه ، و لو كل إجاباتك موفقه و مقتنع بيها تقدر تبدأ بالشركة الخاصه بيك ، و لو فكرتك جديدة تقدر  تبعتها  و هننشرها 🙂


التعليقات

التعليقات مغلقة على هذه التدوينة.